Туризм адамның бос уақытында өз еркінше көңіл көтеріп, демалуы, басқа жерді көріп, қызықтауы, ерікті түрде саяхаттап, серуендеуі. Қазіргі кезде туризм табысты әрі тез дамып келе жатқан халықаралық сауда сегменттерінің бірі. Халықаралық туризмнің үлесі экспортқа шығарылатын дүниежүзілік табыстың 8 пайызын, қызмет көрсету секторы экспортының 37 пайызын құрайды. Туризмнен түскен табыс мұнай, мұнай өнімдері және автомобиль экспортының табысынан кейін тұрақты түрде үшінші орын алады. Туризм туристер баратын жаңа аумақтар есебінен дамып отырады. Қазақстанның табиғи-географиялық жағдайы әлемдік туристік нарықта лайықты орын алуға мүмкіндік береді. Қазіргі туризм жыл сайынғы ақылы еңбек демалысымен байланысты. Бұл адамның демалуға, бос уақытын ер- кімен өткізуге құқықты екенін көрсетеді. Ол жеке адам, адамдар мен халықтар арасындағы өзара түсіністікті байқатады. 14-тапсырма. Мәтін бойынша «Қос жазба» күнделігін толтыр. Түсіндір. Сипаттама Үзінді Туризм Туризм - Қазақстан экономикасындағы қарқынды дамып келе жатқан салалардың бірі