Тыңдалым. Мәтінді тыңдап, тапсырмаларды орындаңыз. Отбасы –сыйластық, түсіністік орнаған орта, кішкентай Отан, табиғат сыйлаған кереметтердің бірі. Отбасы –мемлекеттің дұрыс қалыптасуының ең басты тірегі, бала тәрбиесінің ең алғашқы ұжымы. Жеке адамның бойындағы ар –ұятын, ақыл-ойын, адамгершілігін, мәдениеттілігін тәрбиелеуде отбасы- алғашқы қадам. «Отан - отбасынан басталады» деген нақыл сөзді дәлел ретінде алсақ болады. Отбасында құндылықтар мол болуы керек. Сонда ғана әр отбасында тәрбиеленіп жатқан ұрпақ отбасылық махаббатқа, ата-ана мейіріміне бөленіп, болашақта Отанымыздың дамуына айтарлықтай үлес қоса алатын азамат болып шығады. Бұл қасиеттер тек тәрбие арқылы келетінін ұмытпауымыз керек. Қазіргі жаһандану кезеңінде өмір сүріп жатқан жастар осы құндылықты бағалай алмайтын сияқты. Себебі отбасындағы бала тәрбиесін түрлі гаджеттер мен планшеттер алмастыруда. Осы кезде дана Әл-Фарабидің мына сөзі ойға келеді: «Білім алмас бұрын, мықты тәрбиені қалыптастыру керек, тәрбиесіз алған білім қоғамға өте қауіпті». Кез келген адамның ер жетіп өсуі, бойындағы алғашқы адамгершілік белгілері отбасында қалыптасады, сондықтан да туған үйдің жылуы – оның санасында көп жылдар бойы сақталып, мәңгі есінде жүреді Мәтіндегі ақпараттар Негізгі ақпараттар Қосымша ақпараттар 1.Отбасы –сыйластық, түсіністік орнаған орта,.......... . ___________________________________________________________________ 2. Бала тәрбиесінің ең алғашқы ұжымы не? __________________________________________________________________ 3. Қазіргі жаһандану кезеңінде баланы не тәрбиелеп жатыр? ____________________________________________________________________ 4. Әл- Фарабидің сөзін аяқтаңыз «... тәрбиесіз алған білім қоғамға өте ...... _______________________________________________________________ Айтылым. Өз отбасыңыз туралы диалог құрастырыңыз. (6-8 сөйлем) Оқылым. Балалық шақ Менің туған отбасым – кәдімгі отбасыларының бірі. Әкем кедей шаруадан шыққан. Әкемнің аздаған білімі болатын. Қолы өнерлі еді. Сондықтан ол ағаш ұстасы, шешем сауыншы болды. Тұрмыс жақсарып, жұрт дәулетті тұрды. Біздің үйіміз ауылдың шетінде тұратын. Кішкене бақшамызда алма, шие, алша, қарақат өсетін. Үй сыртындағы алаңда балалар асыр салып айнайтын. Өзімнің үш жасар кезім әлі есімде. Апам мейрам күні мектепке ала барды. Мен орындыққа шығып тұрып, тақпақ айттым. Ағам мен апамдай сабақ оқығым келді. Құрбыларыммен бірге мектептің терезесінен сығалап, шәкірттердің жазу жазғанын қызыға қарап тұратынмын. 1.Оның отбасы қандай? А. кәдімгі В. шағын С.үлкен Д. дәулетті 2. Әкесі кім болып істейді? А. бағбан В.ұстаз С.сауыншы Д. ағаш ұстасы 3.Оның жасы нешеде еді? А. 3 жаста В. 4 жаста С. 5 жаста Д. 2 жаста 4. Апасы мейрам күні қайда ала барды? А. базарға В. ауылға С. мектепке Д. қонаққа 5. Ол нені армандады? А. Кітап оқуды В. Ауылда тұруды С. Қалаға баруды Д. Мектепке баруды 6. Мәтін не туралы? А.Ауыл туралы Б. Әкесі туралы В. Анасы туралы С. Балалық шақ туралы