Хьажмурд шен шийтта шо кхочучу хенахь дегана эгіаза, амма вуно тахьалла а, хьуьнар долуш а кіант вара. Жима велахь а, чохь а, кертахь а, ишколехь а дечу гулакхана тера вара иза. Шен хене а, деган ницкье а хьаьжжина, тедиллина гіуллакх, мало а ца йеш, дика кхочушдора цо. Цунга балун болчу балха тера йухаийзош, кхоа ца вора иза дас, хунда ала цунна хаьара жим-жима вулуш балхах волар, болх бар пайдехь дуйла а, цо могашалла чагІйойла а, дегТера ницкь алсамбоккхийла а. Ишколехь кьинхьегаман урокаш доккхачу хьуьнарца, кхиамца кхочушйора Хьажмурда. Ишколан куйгалхоша Сийлаллин грамота а луш, кастош билгалваккхира иза. Кант дика кхиорна, баркалла элира цунан дена а, нанна а. Нахана йуккьехь кант хасторна а, шайна баркалла аларна а, йухькіайчу хоьттинера Шахьби а, Маликат а. Урокашкахь дика ладуг уш а, кхета герташ а хиларе терра, дешар дика хаьара Хьажмурдана. Девне, чиркье воцуш а, шайца уьйр йолуш а хиларна, берашна дукхавезара иза. Даима цунан векхавелла хиларо а гойтура, даг техь мекха йоцуш, догціена иза хилар.