Әдебиет теориясы

Әдебиет теориясы Риторикалық сұрау туралы түсінік Риторикалық сұрау (лепті сұрау) – ойды, сезімді әсерлі жеткізу үшін жауабы өзінен-өзі айқын нәрсені әсерлі леппен, сұрау түрінде айту. Өлеңде қойылған сұрақтың жауабын оқырман өзі біліп отырады. Риторикалық сұраулы сөйлем жауапты қажет етпейді. Мысалы, Жамбыл Жабаев «Абайдың суретіне» деген өлеңінде:

Мынау тұрған Абайдың суреті ме? Өлең-сөздің ұқсаған құдіретіне. Ақыл, қайрат, білімді тең ұстаған, Қарсы келер Абайдың кім бетіне?! –

деген сұрау тастаса, Қадыр Мырза Әлі:

Жақсылықтың алдында бас иетін, Бабалардың не істейміз есиетін? Жер жоғалтса не болмақ перзенттерін? Ер жоғалтса не болмақ қасиетін?! –

деп толғанады.